قالو قصيمي

بسم الله الرحمن الرحيم

هذة القصيدة للشاعر :

محمد التميمي

اللي مايعرف القصيم ..القصيم هي منطقة من مناطق المملكه العربيه السعوديه

من ..مدنها بريدة وهي عاصمتها , عنيزة , الشماسية , الرس , البكيرية ,وغيرها الكثير
تمتااز بالنااس ..الطيبين ..آحم ..والكريمين ,, وذو الاخلااق الرفيعه ..كح كح



*·~-.¸¸,.-~* إهدااء خاص لكل القصمان اللي مثلي ..يآملحنآ*·~-.¸¸,.-~*



قالت قصيمي قلت فخر ومعزة ღ ღ أهل الكرم والعلم والحلم والباس

قالت قصيمي قصدها بي تهزة ღღ ماتدري اني بفتخر وارفــع الراس

الحمــــــــــدلله روسنا دوم رزة ღღ اللي خلقنا بس نحني له الراس

صافي نسبنا والحسب فية عزة ღღ أصل أصيل وفصل والعرق دساس

أهل الوفاء والدين صافي منزه ღღ عن كل ماشاب العقيده من أدلاس

حنا العقيلات انشدي رجال غزه ღღ حنا هل الدنيا وللدين حــــــــراس

حنا سنايد نجد في كل حــــزه ღღ لا خانت حلوق الرجاجيل الأنفاس

حنا اجبال يعجز الريـــح هـــــزه ღღ حنا لنجد حزام وعصابة الــــــراس

نارد حياض المرجـــــلات ونلــزه ღღ مانمشي دروب الرذيله والأدناس

من يغلط لسانه علينــا نجــــزه ღღ واللي يحقر قدر الرجاجيل ينداس

منا العدو تكفيه بالعين خــــــزه ღღ يقضي عليه الخوف مع كل هوجاس

من ذكرنا في قلبه تثور نـــــــزه ღღ من طاري القصمان يبلاه وسواس

نومه كوابيس وروعه وفـــــــــزه ღღ دقت نواقيس الخطر له والأجراس

وان هو لقي له من علينا يــوزه ღღ هون له الصعبات وابليس خنــاس

مايدري انه للمهالـــــك يــــدزه ღღ عجل علي مبناه يمحي من الساس

يابنت حنا من نخانا نعــــــــــزه ღღ يأمن بنا الملهوف وتهابنـــا الناس

مرسولنا للخير دايـــــــم نكـــزه ღღ ولصرخة المحتاج نرخي الأكياس

تاريخنا مجـــــد لبسناه بــــــزه ღღ نمشي بوسط السوق ماندحم الساس

لك ماتركنا بكاس الأمجاد مـزه ღღ واجد عليك ومثلك حثالة الكاس

وش جاب حر الطير لفريـخ وزه ღღ منهو يساوي جوهر الماس بنحاس

لاتحسبين انك لنا مــسـتفـــزه ღღ وش ياخذ الباعوض من ريش قرناس



صـح لسآآآآآآآآآنهـ ...





[b]

صح لسانه وماشاء الله القصمان كريمين
حبيبين .

ايه والله ياحبي لهم هههههههه

ما شاء الله شاعر اجل يا ابو ماجد

ههههههه

مشكورين على المرور

صح لسانك

مشكوررررررررر يابو ماجد